Baraza la mawaziri lateuliwa Somalia

Waziri Mkuu wa Somalia, Abdi Farah Shirdon, ametangaza baraza lake la mawaziri ambalo kwa mara ya kwanza litakuwa na waziri wa mashauri ya nchi za nje mwanamke - Fauzia Yusuf Haji Adan.

Baraza hilo ni dogo sana likilinganishwa na yale yaliyopita, na litakuwa na mawaziri 10 tu.

Waandishi wa habari wanasema koo nyengine zinaona hazikupata wizara, na huenda ikawa shida kwa bunge kulikubali baraza hilo la mawaziri.