Mali ni hatari kwa Afrika

Rais wa Nigeria ameonya kuwa matokeo yanaweza kuwa mabaya kwa Afrika iwapo wapiganaji wa Kiislamu hawataondoshwa kaskazini mwa Mali.

Rais Goodluck Jonathan alisema Nigeria inataka kikosi cha jeshi kipelekwe huko haraka.

Alisema wapiganaji wamelifanya eneo kubwa la Mali kuwa halina sheria.

Rais Jonathan alisema hayo kwenye mkutano wa viongozi wa Afrika magharibi wa jumuia ya ECOWAS mjini Abuja, ambako wanajadili mpango wa kutuma wanajeshi elfu kadha Mali iwapo majadiliano na wapiganaji hayatafanikiwa.

Umoja wa Mataifa umetoa idhini kuingilia kati kijeshi nchini Mali.