TBL YATOA MSAADA WA 50MIL ZASAIDIE KUCHIMBA VISIMA

Na John Banda, Dodoma

Kampuni ya Bia Tanzania [TBL] Imetoa msaada wa visima vilefu viwili vya maji kwaajili ya vijiji viwili vya Iramba na Lukole vilivyopo wilayani Mpwapwa Mkoani Dodoma baada ya kugundua upungufu wa maji uliopo katika vijiji hivyo.

TBL walitoa msaada huo wa million 50 kwa ajili ya visima 2 baada ya kuombwa na mbunge wa jimbo la kibakwe Mhe George Simbachawene baada ya kuona tatizo la ukosefu wa maji kuwa kelo kwa wananchi wake.

Akiongea baada ya kukabidhi hundi ya kiasi hicho cha Fedha Mkurugenzi wa Uhusiano na Sheria wa kampuni hiyo  Stiev Kilindo aliwataka wanachi hao  kuutunza mradi huo ili uweze kuwa endelevu na kuja kuwa na manufaa hata kwa vizazi vijavyo.

‘’Tumetoa visima hivi viwili ili maji yake yaweze kusaidia wakazi wa vijiji husika niwashauri muweze kuitunza miradi hii ili iwe endelevu na kuwa sadia watoto na wajukuu wetu muipende na kuirinda huku mkitunza mazingira wenye’’, alisema Kilindo

Akizungumzia tatizo  hilo  Mkuu wa wilaya hiyo Christofa Kangoye alisema Chanzo cha tatizo hilo ni uharibifu wa mazingira unaotokana na kufyeka miti na kulima katika vyanzo vya maji  na kutangaza kiama kwa watendaji.

Kangoye aliwataka Maafisa watendaji wa kata kuhakikisha wanawakamata na kuwafikisha kwenye vyombo vya sheria watu wote watakaobainika kujihusisha na uhalibifu wa mazingira ikiwemo kufyeka, kulima na kupitisha mifugo kwenye eneo la Chemichemi za maji.

‘’Watendaji hakikisheni mnawachukulia hatua hata kama mnachukua hela zao maana mnahongwa ndiyo maana mnajifanya hamuwaoni wanapokuwa wakiharibu mazingira iweje mpaka tuje toka wilayani ndipo tujue uhalibifu huu ulioleta mazara kwa muda mrefu sasa naanza na nyinyi’’, alisema Kangoye.